Alah Bapaga Mangkonyo Patah

 Bansaik bana di maso nan lalu
Namunnyo kasiah arek manyatu
Biapun aie putiah nan ado
Dek cinto manih juo rasonyo

Eloknyo untuan alah tasuo
Dahulu tidak kini lah ado
Sayang kacang lupo jo kuliknyo
Mabuak harato kasiah binaso

Alah basiram, mangko ka layua si bungo cinto
Alah bapaga, mangko ka patah ruruik daunnyo

Ameh babungkah apo gunonyo
Kok ka manyeso di rumah tanggo
Ameh babungkah apo gunonyo
Kok ka manyeso di rumah tanggo

Bansaik bana di maso nan lalu
Namunnyo kasiah arek manyatu
Biapun aie putiah nan ado
Dek cinto manih juo rasonyo

Eloknyo untuan alah tasuo
Dahulu tidak kini lah ado
Sayang kacang lupo jo kuliknyo
Mabuak harato kasiah binaso

Alah basiram, mangko ka layua si bungo cinto
Alah bapaga, mangko ka patah ruruik daunnyo

Ameh babungkah apo gunonyo
Kok ka manyeso di rumah tanggo
Ameh babungkah apo gunonyo
Kok ka manyeso di rumah tanggo

Tangih Manjalang Pagi

Nasibnyo lilin untuak pangganti lampu mati
Ondeh uda di malam hari
Salimuik dingin nan uda cari
Denai pangganti di uda manjalang pagi

Lahia jo bathin yo lah balain
Piciang mato sia denai di hati uda
Kasiah tajalin kok indak mungkin
Rumah tanggo nasib denai di tangan uda

Usahlah uda badendang manggesek rabab
Ingeklah kato talongsong bao mangucap
Usahlah tali di rantang mancari sabab
Ingeklah kito tadorong lah samo silap
Usah di tulak denai jo parangai

Nan denai minta jujurlah uda ka diri denai
Nan denai minta jujurlah uda ka diri denai

Nasibnyo lilin untuak pangganti lampu mati
Ondeh uda di malam hari
Salimuik dingin nan uda cari
Denai pangganti di uda manjalang pagi

Lahia jo bathin yo lah balain
Piciang mato sia denai di hati uda
Kasiah tajalin kok indak mungkin
Rumah tanggo nasib denai di tangan uda

Usahlah uda badendang manggesek rabab
Ingeklah kato talongsong bao mangucap
Usahlah tali di rantang mancari sabab
Ingeklah kito tadorong lah samo silap
Usah di tulak denai jo parangai


Nan denai minta jujurlah uda ka diri denai
Nan denai minta jujurlah uda ka diri denai

Di Lauik Sansai Di Darek Karam

Alah den rantang sitali kayia
Habib nilon baganti banang
Tabaok rumik bapilin tigo, ondeh



Lai den cubo batanam kasiah
Denai pupuak jo kasiah sayang
Ndeh malangnyo putuih juo
Ndeh malangnyo putuih juo

Alah den hadang ombak basabuang
Patah tiang di lendo badai
Dayuang den hanyuik nan dek galombang, ondeh

Sampai hati oi uda kanduang
Mamiliah cinto jo kasiah sayang
Ndeh mandeh sansai badan den
Ndeh mandeh sansai badan den

Alah ka nasib yo nasib badan denai ko
Alah ka nasib yo nasib badan denai ko
Tiok bacinto bacinto oi putuih juo

Kamano badan lai badan nan ka batenggang
Kamano badan lai badan nan ka batenggang
Dilauik sansai yo sansai di darek karam
Dilauik sansai yo sansai di darek karam

Takicuah di Nan Tarang

Tigo tahun lah denai nanti
Den siram bungo patang jo pagi
Tapi apo nan tajadi da
Bungo den siram kambang tak jadi

Bamulo cinto tumbuah di hati
Uda bajanji ndak kabapisah lai
Tapi apo nan tajadi da oi
Sabana padiah hati didutoi

Apo salah denai da kanduang
Apo doso denai batinggakan
Manga pinangan urang nan batarimo
Takuik jo denai uda kasansaro

Hilang di nan kalam mungkin biaso
Takicuah di nan tarang hati taibo
Kamano malu da kanduang
Ka denai bawo...

Nyao Pulang Ka Badan

Mungkin dek untuang nan indak ado
Baurak raso jalinan cinto
Kinilah lamo maso balalu
Lah habih lah hilang rindu

Ndak disangajo kito batamu
Dingin badan ko taraso kaku
Den jawek salam mato balinang
Dunia raso baguncang

Raso nyawo pulang ka badan
Raso hiduik aruah nan hilang
Walau barek raso di dado
Lah den kubuo carito lamo

Ka dalam den raguak tangih
Di lua lai galak juo
Kok cinto ndak namuah habih
Den kukuik malah hati ko

Lirik Lagu Tiar Ramon - Usah Di Ratoki

Anak urang si kumbang putiah
Pai ka balai hari sanjo
Mamakai baju guntiang cino
Guntiang cino

Ulah rayu si daun siriah
Bacarai pinang jo tampuaknyo
Apo ka tenggang si carano
Si carano

Urang kapau pai ka ladang
Sarupo kodek jo bajunyo
Iyo buruak lakunyo alang
Ayam tapauik di sembanyo

Urang sariak babaju ganiah
Pai manggaleh ka padang lua
Iyo sariak ba ayam putiah
Kok indak sikok alang manyemba

Jikok mandi denai di hulu
Aie nan usah adiak sauak
Di sauak usah di karuahi
Di karuahi

Jikok mati denai dahulu
Mati nak usah adiak janguak
Di janguak usah di ratoki
Di ratoki

Elly Kasim - Tinggalah Kampuang

Lirik Lagu Elly Kasim - Tinggallah Kampuang

Tinggalah kampuang Ranah Balinka
Gunuang Singgalang ondeh lai ka manjago
Mandeh kanduang tolong jo doa
Antah pabilo ondeh basuo

Takadia untuang kok lai ka mujua
Bilo masonyo kito basuo
Sadang kok arek tali jo bumi
Bakarek rotan kini jadinyo

Jikok taragak yo nak basuo
Di dalam nyanyi ondeh denai pasankan
Jikok taragak mandeh jo ambo
Didalam mimpi ondeh kito batamu

Oh mandeh kanduang tolong jo doa
Antah pabilo ondeh kito basuo

Takadia untuang kok lai ka mujua
Bilo masonyo kito basuo
Sadang kok arek tali jo bumi
Bakareh rotan kini jadinyo

Jikok taragak yo nak basuo
Didalam nyanyi ondeh denai pasankan
Jikok taragak mandeh jo ambo
Didalam mimpi ondeh kito batamu
Oi mandeh